TAIFA STARS KUPAMBANA NA ZAMBIA LEO

Kikosi cha Taifa Stars kitakacho wachakaza wa Zambia leo.

Timu ya taifa ya Zambia.

TUNASEMA ni Taifa Stars tena tukimaanisha kuwa ni timu yetu ya soka ya taifa, inajimwaga uwanjani kwa mara nyingine katika dimba la uwanja wa Felix Houohouet Boigny, jijini Abdjan, nchini Ivory.Huko ndiko kunakofanyika michuano ya ubingwa wa nchi za Afrika kwa wachezaji wanaocheza ligi za nyumbani, maarufu kama michuano ya CHAN.Katika mchezo wa leo ambao ni muhimu sana, Stars inacheza na timu ya taifa ya Zambia, katika mchezo wa tatu wa kundi A lenye timu za Senegal, Zambia na wenyenyeji Ivory Coast.

.

Ikiwa na kumbukumbu ya kupoteza mchezo wa awali dhidi ya Senegal kwa kufungwa bao 1 - 0 na kisha kushinda mechi dhidi ya wenyeji Ivory Coast kwa idadi hiyo hiyo ya goli, timu yetu ya taifa inaingia uwanjani ikiwa na jukumu la kushinda, ili kujiweka katika matumaini ya kucheza hatua ya nusu fainali.Kujiweka katika matumaini kwa timu yetu hiyo kunatokana na ukweli kuwa, katika msimamo wa kundi hilo, timu za Zambia, Senegal zina nafasi kubwa ya kucheza nusu fainali kutokana na timu hizo kuwa na pointi nne kila moja na kuiacha Stars yenye pointi tatu mkononi.

.

Ili kuweza kucheza hatua ya nusu fainali, inategemea ushindi dhidi ya Zambia, huku ikiomba Ivory Coast isiyokuwa na nafasi yoyote iifunge timu ya Senegal.Ushindi wa Stars mbele ya Zambia itaifanya ijikusanyie pointi sita, na kuomba Senegal itoke sare na Ivory Coast ili Wasenegal hao wabakie na pointi zao tano, hivyo kuwafanya vijana wa Tanzania kuwa kileleni kwa pointi sita.Hii inawezekana, iwapo timu yetu itacheza mchezo wa kufa na kupona kama ilivyofanya siku ya mechi baina yake na wenyeji Ivory Coast.Kutokana na kiu na haja ya kuona timu yetu ya taifa inashinda mchezo huo, ndiyo maana tumesema 'Leo tena' tukimaanisha ushindi uliopatikana dhidi ya Ivory Coast unahitajika tena leo.

.

Tunahitaji kuona timu yetu ikitoka uwanjani na ushindi mnono , ili matokeo hayo yaweze kutuweka katika matumaini ya kusonga katika hatua inayofuata.Ingawa msimamo wa kundi hilo unaonekana kwa kila timu za Zambia, Senegal na Tanzania zote zina matumaini ya kucheza hatua inayofuata, ni vijana wa Stars ndiyo wanaotakiwa kucheza kufa na kupona kuhakikisha kuwa tunatimiza ndoto zetu za kuonyesha maajabu ya kucheza nusu fainali na hata fainali.Yote kwa yote yanawezekana, hasa katika mchezo wa soka ambao, kila dakika moja inaweza ikabadilisha matokeo ya mchezo, ila ushindi kwa timu yetu ni suala linalosubiriwa kwa hamu na kila mpenda soka nchini.Sisi wa The Football tunachagiza kwa kauli ya 'Leo tena' huku tukiwa miongoni mwa Watanzania wanaoiombea timu ya soka ya Taifa kuibuka tena na ushindi katika mchezo wa leo dhidi ya Zambia. Mungu ibariki Stars, Mungu ibariki Tanzania.